Неделя святых праотцев

Неделя святых праотцев

Подобает ведати, аще случится святых триех отроков, и святаго пророка Даниила в Неделю святых праотец: Поется возследование их вкупе с воскресною службою сице.

На Малей вечерни: На Господи воззвах, стихиры воскресны и Богородицы по обычаю.

На Велицей вечерни: На Господи воззвах, стихиры воскресны 3: и праотцев 3: и пророка Даниила 2, глас 4. Подобен: Яко добля: и отроков 2, глас тойже: Подобен: Дал еси знамение: Слава, праотцев, глас 6: Иже прежде закона: И ныне, Богородичен 1-й, гласа: Вход. Прокимен дне. На литии: Стихира храма: И пророка Даниила, глас 4: На престоле седящаго: писана на Господи воззвах, на ряду последняя. И отроков, глас тойже: Словесе премудрости Твоея: писана на Господи же воззвах, последняя. И глас 2: Духовно нас вернии: Слава, праотцев, глас 1: Лучами облиставшеся: И ныне, Богородичен: Се исполнися: На стиховне, стихиры воскресны. Слава, праотцев, глас 3: Праотцев собор: И ныне, пророка, глас 6: Даниил муж желаний: На благословении хлебов, тропарь. Богородице Дево: дважды: И праотцев, единожды. И Буди имя Господне: трижды. псалом 33: Благословлю Господа: И чтение в посланиих апостольских.

А идеже бдение не бывает, на Повечерии по Достойне и по Трисвятом, кондак святых праотцев.

На Утрени: На Бог Господь, тропарь воскресен, дважды: Слава, отроков: И ныне, праотцев. По кафисмах, седальны воскресны, с Богородичны их. И чтение во Евангелии толковом: Неделя ряд. По полиелеи тропари: Ангельский собор: ипакои гласа, и седален праотцев, и чтение во Евангелии: Неделя святых праотцев. Степенна, и прокимен гласа: Евангелие воскресно. Псалом 50. Стихира воскресна, и прочее. Канон воскресен со ирмосом, на 4. Пророка, и отроков, оба канона на 6. И поем в коейждо песни пророка 3 тропаря: Богородичен оставляется. И отроков первыя стихи два за един: таже тропарь един, и Богородичен. И праотцев на 4: и держим стихов 12, кроме Слава, и ныне: всех же на 14. Катавасиа: Христос раждается: По 3-й песни, кондак и икос пророка, и седален его: Слава, отроков: И ныне, ипакои праотцев, и чтение. По 6-й песни кондак праотцев, и икос, и чтем пролог. По 9-й песни, светилен воскресен, и праотцев: Слава, пророка. И ныне: Солнце великое: На хвалитех стихиры воскресны 4: И святых праотцев на 4, с припевы: Благословен еси, Господи: 2-й: Яко праведен еси: Слава, праотцев, глас 7: Приидите вси верно торжествуим: И ныне: Преблагословенна еси. Славословие великое. По Трисвятом, тропарь воскресен. Ектении: и отпуст: и обычное исхождение. Слава, и ныне, стихира евангельская, и час 1-й. На 1-м часе тропарь воскресен: Слава праотцев: И ныне, Богородичен часов. По Трисвятом кондак праотцев: и прочее. И совершенный отпуст. На 3-м часе тропарь воскресен. Слава, пророка: И ныне, Богородичен часов. По Трисвятом, кондак праотцев.

На Литургии: Блаженна гласа на 4: и праотцев песнь 3-я, на 4: и пророка песнь 6-я, на 4. По входе тропарь воскресен: таже святых. Слава, кондак пророка: И ныне, праотцев. Прокимен, песнь отцев, и святых. Апостол, и Евангелие Недели праотцев и святых: ряд же Недели оставляется. Причастен: Хвалите Господа: другий: Радуйтеся, праведнии о Господе:

Сице поем службу и великаго святаго празднуемаго, аще случится в сию Неделю, токмо по полиелеи: И ныне, седален праотцев. На Литургии: Прокимен праотцев, и святаго: и вся служба, якоже прежде явлено есть.